PREPARAMOS VISITA...ENERXÍA ELÉCTRICA

Definimos enerxía, tipos de enerxía, fontes de enerxía...despois dun pequeno esquema, textos, comentarios e videos, reparamos nunha enerxía concreta:

A ENERXÍA ELÉCTRICA

Por que temos luz eléctrica?

 

Por que temos luz eléctrica?

Xeración - Transmisión - Distribución

PRIMEIRA SEMANA DE CHARLAS

MARTES 2 DE ABRIL: 
 

- 5 Inventos importantes

- O triathlon

- Leonardo da Vinci

- Gatos

E chegou o día!!! As dúas clases de 4º acolleron a presentación das catro primeiras charlas.

Miguel, Álvaro, Pablo José e Pedro explicaron o seu traballo e contestaron as preguntas do "público". Houbo  interese, atención e curiosidade. Rematamos cada sesión con aplausos.

MÉRCORES 3 DE ABRIL:

 - Backstreet Boys
 - Maxia
 - O palangre e as nasas

Hoxe disfrutamos moito coas aportacións de Nuria, Mario Villar e Rubén. Falouse de música e de pesca, disfrutouse coa explicación e os números de ilusionismo. Quedámonos co comentario cariñoso feito polo "mellor público do mundo" de que foron traballos "moi currados". Noraboa!!!

XOVES 4 DE ABRIL: 
 

- A miña mascota Koko

- Mulleres deportistas

- Os seis animais máis tenros do mundo

- Os coellos
 

Hoxe asistimos ás charlas de Thiago, Sela, Mateo Requejo e Pablo Cobas. Falouse de animais e deportes. Resultaron moi amenas e agradecemos a colaboración familiar que estamos recibindo.

Na charla sobre os coellos domésticos fixemos a Estela, compañeira de terceiro, partícipe da sorpresa que nos tiña preparada Pablo...un precioso coello gris que se deixou aloumiñar pola clase. 

Un día máis, NORABOA!!!

Agardamos con impaciencia as charlas da próxima semana...

VISITA AO XX SALÓN DO LIBRO DE PONTEVEDRA

Hoxe visitamos o Salón do Libro de Pontevedra. 

Orbil, mascota do salón, agardaba na entrada para saudarnos.

Participamos en dous interesantes obradoiros e unha visita guiada polos corredores e salas do Salón.

- O grupo 4ºA asistiu a un obradoiro TECNOLÓXICO. Foi un  achegamento a impresión en 3D. Traballamos con tablets e cuns instrumentos, similares aos pirograbadores, cos que marcamos os nosos deseños.

- O grupo 4ºB participou nun obradoiro ARTÍSTICO. Valoramos a figura de Magritte, pintor surrealista belga, e a súa importancia como revolución pictórica.

A continuación dos obradoiros, fixemos unha  visita guiada polos diferentes espazos e salas. Buscamos con ilusión o traballo do noso cole, especialmente as páxinas de 4º.
Tamén pasamos por diversos recunchos  reflexionando con diferentes revolucións e cunha especial referencia ao noso país veciño Portugal.

Durante os próximos días e ata o 12 de abril podemos visitar o Salón do Libro e participar de moitas actividades, obradoiros, contacontos e lecturas variadas.

O ano próximo máis... 

Esperamos os vosos comentarios.

COMEZA O CICLO DE CONFERENCIAS

O mes de abril e ata o 7 de maio organizamos un ciclo de charlas con tema libre.

As exposicións serán individuais. Poden acompañarse con fotos, murais, esquemas, diapositivas, presentacións en PPT, maquetas... e terán unha duración máxima de dez minutos cuns minutiños máis para preguntas do "público".

Sorteamos a orde de participación o venres 15 e anunciamos o tema escollido o venres 22.

A listaxe de temas é moi variada. Esperamos con moita ilusión o estreno o próximo martes 2 de abril. Recordade que teremos reseña e reportaxe gráfica de cada exposición.

ENERXÍA

En Naturais comezamos a recabar información sobre a enerxía e os tipos de enerxía.

Traballaremos con libros, internet, imaxes, esquemas e mapas conceptuais, lapbook, videos...e tamén haberá algunha experiencia "sorpresa".

Presentación do tema enerxía:

AIRE E ATMOSFERA

Estamos organizando información sobre o aire, a atmosfera, as  capas da atmosfera, a capa de ozono, o efecto invernadoiro...

Traballaremos con libros, internet, imaxes, esquemas, resumos e videos...e coa prensa.

E comezando pola TROPOSFERA, un curto do divertido Camaleón que vai citando diferentes fenómenos atmosféricos:

OBSERVA E PARTICIPA

Observa e relaciona as imaxes da animación coa data de hoxe. Anímate e coméntalas.