COMEZA O CICLO DE CONFERENCIAS

O mes de abril e ata o 7 de maio organizamos un ciclo de charlas con tema libre.

As exposicións serán individuais. Poden acompañarse con fotos, murais, esquemas, diapositivas, presentacións en PPT, maquetas... e terán unha duración máxima de dez minutos cuns minutiños máis para preguntas do "público".

Sorteamos a orde de participación o venres 15 e anunciamos o tema escollido o venres 22.

A listaxe de temas é moi variada. Esperamos con moita ilusión o estreno o próximo martes 2 de abril. Recordade que teremos reseña e reportaxe gráfica de cada exposición.

ENERXÍA

En Naturais comezamos a recabar información sobre a enerxía e os tipos de enerxía.

Traballaremos con libros, internet, imaxes, esquemas e mapas conceptuais, lapbook, videos...e tamén haberá algunha experiencia "sorpresa".

Presentación do tema enerxía:

AIRE E ATMOSFERA

Estamos organizando información sobre o aire, a atmosfera, as  capas da atmosfera, a capa de ozono, o efecto invernadoiro...

Traballaremos con libros, internet, imaxes, esquemas, resumos e videos...e coa prensa.

E comezando pola TROPOSFERA, un curto do divertido Camaleón que vai citando diferentes fenómenos atmosféricos:

OBSERVA E PARTICIPA

Observa e relaciona as imaxes da animación coa data de hoxe. Anímate e coméntalas.

XOGOS LINGÜÍSTICOS

Hoxe disfrutamos dunha divertida sesión de lingua galega coa axuda de Nerea e Chus de Xandobela subvencionada polo concello de Pontevedra. Aproveitamos o día primaveral para facer as actividades no patio do cole.

As dúas clases de 4º organizámonos en equipos e fixemos catro xogos lingüísticos: a vaca marela, o cocido, a vestimenta do meco e  xogos populares. 

Pasámolo moi ben, participamos con entusiasmo, atopamos a chave do cofre coa mensaxe:

A NOSA LINGUA É UN GRAN TESOURO QUE DEBEMOS COIDAR

Preme para ver máis imaxes

No seguinte enlace  VACA MARELA podemos escoitar a canción que recitamos nun dos xogos.
E falando de vacas...

Curiosidades sobre a vaca do blog de Adela Leiro

 

MEDIDAS: UNIDADES DE LONXITUDE

Falamos de medir distancias, largos, alturas... Coñecemos o metro, pero empregamos múltiplos para medidas grandes e submúltiplos para medidas pequenas. Revisamos:

ACENTUACIÓN - 2

Diferenciamos as palabras pola súa sílaba tónica en esdrúxulas, agudas e graves ("llanas" en castelán) e agora fixámonos moito para saber usar o til ou acento gráfico.
Este video axúdanos a repasar as actividades traballadas no cole:

COMPOSTAXE: QUEN VIVE AÍ?

O luns 18 e o mércores 20 participamos  na actividade QUEN VIVE AÍ? do programa Plan Revitaliza que se desenvolveu no laboratorio. 

Investigamos que microfauna habita na compostaxe. Axudáronnos os monitores Antón e Manolo e as monitoras Teresa e María. Empregamos pinceis, "peneiras", recipentes de vidro e instrumental de aumento como lupas manuais e lupas binoculares.

 

Buscamos e diferenciamos os "bechos" que habitan na compostaxe (anélidos, colémbolos,  pseudoescorpións, coleópteros…) e que participan activamente na descomposición dos restos orgánicos, sendo parte fundamental do proceso para obter un bo compost.

A actividade gustounos moito. Temos moito que contar...


Velaquí algunhas imaxes:

GRAVAMOS CON ONDACERO

Un ano máis, o noso cole colabora coa radio e participa na gravación de diferentes fragmentos que, unha vez editados, serán emitidos na programación local. O alumnado de 4º aportou a lectura dunhas coplas e unhas poesías. Comentaremos a data de emisión...

8 DE MARZO E CORRESPONSABILIDADE

PARA LOGRAR A IGUALDADE TEMOS QUE FACER QUE HAXA CORRESPONSABILIDADE NAS TAREFAS DA CASA.

ESTAMOS A REFLEXIONAR SOBRE ISO NA ESCOLA CON CONTOS, VÍDEOS, LÁMINAS, XOGOS...

AXUDÁDESNOS DENDE A CASA?
 ----------------------------------------------

Nas nosas clases aproveitamos a robótica para traballar a corresponsabilidade nas tarefas da casa. Empregamos un robot MULLER e un robot HOME e "xogamos" a desempeñar as diferentes tarefas propostas. Compartimos e reflexionamos os resultados por equipos.
Velaquí fotos da actividade:

Preme para ver máis imaxes