ALUMINIOS CORTIZO EN PADRÓN

Estes últimos días buscamos información sobre o aluminio e a empresa que imos visitar o próximo martes 26.

Trátase dunha empresa moi importante de ámbito internacional con sede central no concello de Padrón.

Buscamos na rede a páxina web da empresa https://www.cortizo.com/

e comezamos a facernos un montón de preguntas sobre o aluminio e o seu proceso productivo.
Video da empresa 
Na clase traballamos cos seguintes videos:

Cuestiones interesantes sobre el aluminio
Proceso del aluminio

Tamén buscamos información sobre a bauxita.
Estamos recollendo información sobre o aluminio e familiarizándonos cun montón de vocabulario novo...

O aluminio pode reciclarse. 

Este proceso implica  refundir o metal, eso abarata custos e consume moita menos enerxía que a produción de aluminio a partir da electrólise da alúmina obtida da bauxita.

Pasos na reciclaxe dunha lata de alumnio

Martes, 26 de febreiro 

VISITA Á SEDE CENTRAL DE ALUMINIOS CORTIZO

Chegou o día! Estabamos cheas e cheos de curiosidade. Sabíamos que era unha empresa enorme e que veríamos in situ moitas das informacións traballadas na aula, pero a realidade superou as nosas expectativas.

Recibiunos Manuel Santiago, técnico de formación, que nos acompañou toda a visita con explicacións claras e amenas.

Era importante insistir nas normas de seguridade, tivemos que vestir chaleco e casco protector e poñer tapóns nos oídos. Durante o percorrido polas instalacións seguimos instruccións da persoa encargada da visita e do noso profesorado procurando no interferir nas zonas de traballo. Os desprazamentos entre edificios fixémolos no autobús.

A visita comezou na planta de fundición, onde comprobamos que o aluminio empregado na carpintería da empresa procede de outros aluminios reciclados. Nesta planta vimos un forno onde os "paquetes a reciclar" se funden a temperaturas que alcanzan os 1000ºC.

Pasamos despois a planta de prensa extrusión onde os "cilindros de aluminio" toman a forma dos perfís.

Sorprendeunos o impresionante almacén automatizado e visitamos a zona de anodizado observando desde os ventanais o tratamento do aluminio.

Finalmente, pasamos pola zona expositora con modelos de carpintería en aluminio.

Rematamos a nosa visita coa invitación a  unha merenda e uns agasallos de recordo.

Preme para ver máis imaxes

Foi unha visita xenial!!!

ROBÓTICA e POESÍA CON ROSALÍA

Esta semana para conmemorar o aniversario de Rosalía de Castro,  afondamos na súa biografía e na súa obra. Todos os cursos temos previstas actividades con xogos tipo trivial de pregunta-resposta seguindo un circuito con robots.

Velaquí fotos practicando na sesión de hoxe:

Preme para ver máis fotos

Preme para ver máis fotos

Tamén estamos traballando o poema ADIOS RÍOS, ADIOS FUENTES nas clases de Lingua e Música.

CHARLA sobre HIXIENE BUCODENTAL

Para rematar o noso pequeno proxecto sobre os dentes, asistimos na biblioteca a unha charla-coloquio da hixienista bucodental Fátima da Clínica Marta Moreno de Vilaboa. Seguimos as súas amenas explicacións sobre a necesidade de manter unha boa limpeza da boca e de como facelo. Fixemos moitas preguntas. Ao final,  entregóusenos  un pequeno agasallo para poñer en práctica as medidas aprendidas.

Moitas grazas Fátima!!!

Preme para ver máis fotos

CHEGA O ENTROIDO

Luns, 18 de febreiro
Recibimos a segunda carta de Vilaverdiño...quedan poucos días para o Entroido. Estamos xa un chisquiño revolucionadas e revolucionados. Será polo Entroido ou será pola Revolución...

Así estamos...aproveitamos calquera momento para darlle voltas ao tema e argallando diferentes posibilidades.

Pensemos, pensemos...e que teña que ver con temáticas, proxectos, saídas...

Mañá posta en común e MANS Á OBRA.

-----------------------------------------------------
Martes, 19 de febreiro
E a voltas estivemos: revolución dos decimais, dos dentes, dos ríos e mares, de fábricas, de industrias, de máquinas, de inventos, da informática, da robótica...e asi prendeu o lume.
Recordamos o entroido pasado, e témolo claro...a nosa será unha REVOLUCIÓN ROBÓTICA
----------------------------------------------------------------------------------
Mércores, 20 de febreiro
Estamos en proceso de deseño. Queda pouco tempo. Vilaverdiño espera...

COMPOSTAXE NO COLE

Hoxe na clase limos o conto "Aqueles monstros anciáns que viven baixo a terra” sobre as vantaxes da compostaxe. Despois comentamos, buscamos e anotamos información sobre compostaxe, compost, composteira, reciclar, residuos, abono...

Na última sesión, asistimos na biblioteca a unha charla-coloquio do Plan Revitaliza para ampliar información sobre a compostaxe. Tomamos boa nota de todo porque pronto termos unha actividade práctica no laboratorio...ademais as palabras COMPOSTEIRA E HORTO serán pronto unha realidade no noso colexio.

CORAZÓN

En Plástica continuamos traballando co pregado de papel. Esta semana tocou un corazón...

Seguimos, paso a paso, as instruccións e comparamos coa explicación do video: Corazón origami Krokotak

Puxemos moito interese e velaquí os resultados:

OS DENTES

Comezamos un pequeno proxecto sobre os dentes. Sabemos algunhas cousiñas, pero queremos saber máis...

Para poñer un chisco de acción e imaxinación vimos unha animación moi chula feita por uns estudantes franceses sobre o traballo do rato Pérez:

Trouxemos da biblioteca o libro DIENTES do autor xaponés Genichiro Yagyu (Coleción EL MAPA DE MI CUERPO-Ed MEDIA VACA) que limos e comentamos. Fomos apuntando unha chea de anécdotas e recollimos a clasificación e funcións dos dentes:

O seguinte curto explícanos de maneira divertida que son as caries:

No seguinte enlace atoparemos unha das aventuras animadas de Dr. Muelitas:
Doctor Muelitas y los Defensores de los dientes

DÍA INTERNACIONAL DA MULLER E A NENA NA CIENCIA

Hoxe, día 11 de febreiro, por iniciativa das Nacións Unidas celébrase o Día Internacional da Muller e a Nena na Ciencia. Unímonos a esta celebración de sensibilización pola participación equitativa e activa da muller no mundo científico con diferentes actividades:

-Traballamos co libro ADA MAGNÍFICA CIENTÍFICA que trouxemos da biblioteca.
- Vimos tamén a mensaxe en video de Jane Goodall ás nenas que queren ser científicas sobre a que despois comentamos.

LA NIÑA INVISIBLE

Co mes de febreiro comezamos a lectura do libro LA NIÑA INVISIBLE de David Peña Toribio, máis coñecido polo pseudónimo de Puño.
A protagonista é unha nena chamada Trog que vive na Prehistoria e pasa por moitas aventuras...Estamos "lanzadas e lanzados" coa súa lectura. Son capítulos curtiños e sábenos a pouco ir de un en un...asi que avanzamos con ilusión.
A MAIOR AVENTURA É PODER DECIDIR CAL QUERES QUE SEXA A TÚA AVENTURA.
A nosa aventura agora e gozar da historia desta nena intrépida que afronta perigos e dificultades con valentía.

RÍOS E RÍOS

Falamos de augas doces e augas salgadas. Ampliamos información. Visionamos os curtos de Eduteca sobre OS RÍOS e AS VERTENTES FLUVIAIS DE ESPAÑA:

 

Curiosidades:

Por que hai auga nos ríos cando non chove?

No blog da profesora Adela Leiro http://www.adelaleiro.com/index.aspx atopamos información moi interesante sobre os ríos. Comentamos dúas presentacións das que colgamos os enlaces:

OS RÍOS

OS RÍOS GALEGOS

A BIBLIOTECARIA DE BASORA

Esta é unha historia real que aconteceu na cidade de Basora en Irak. Durante a guerra de Irak (2003-2011), a bibliotecaria de Basora loita por salvar os libros. O amor á literatura e o respecto polo coñecemento non ten fronteiras. 

Conto precioso escrito e ilustrado por Jeanette Winter publicado por Editorial Juventud e interpretado neste video por Beatriz Montero. 

Gustounos moito e serviunos para comentar e reflexionar na aula. Tamén é revolución, tamén é unha loita pola paz. Agora queremos compartilo coas nosas familias.

UNHA HISTORIA EXTRAORDINARIA

Rematamos o noso traballo dos sentidos.
Nas últimas sesións vimos as maquetas dun oído e dun ollo que están no laboratorio. Desarmamos e montamos as pezas para identificar as partes de cada un destes órganos.
Completamos fichas de cada sentido co resumo da información traballada.
---------------------------------------
Dedicamos un tempiño  a coñecer a linguaxe de signos. A canción LA MURALLA foi interpretada tamén con xestos na celebración do DÍA DA PAZ.

Observamos con moita curiosidade material escolar con linguaxe Braille: textos, esquemas, contas de dividir, planos, mapas...Tamén aprendimos como é unha máquina Perkins. Nuria explicounos como funciona esta máquina de escritura Braille e fixemos unha pequena práctica.

Coñecimos a extraordinaria historia de HELEN KELLER e a súa educadora ANNE SULLIVAN. Unha historia real de esforzo e superación que nos deixou moi impactadas e impactados. Interesámonos por coñecer máis... averiguamos algúns datos biográficos, localizamos gravacións reais, escoitamos un conto coa súa admirable historia. Deixamos os enlaces para compartir:

Enlace a unha pequena biografía con imaxes de Hellen Keller.

 

Neste video producido no ano 1928, Anne Sullivan explica como traballou con Helen Keller e podemos escoitar as súas voces.

NÚMEROS DECIMAIS

Medidas, temperaturas, euros e céntimos...
Teño 37º e pico, non chego a 38º.
Peso 25 Kg e algo.
O bocadillo custa medio euro.
Os números decimais serven para expresar ese pico, ese algo...que pasa dun número enteiro.

Deixamos xogos online para practicar na marxe esquerda da pantalla.

ACENTUACIÓN - 1

Clasificamos as palabras pola súa sílaba tónica. Realizamos actividades para distinguilas e deixamos  un video, un esquema  e uns xogos para seguir practicar: