PAPÁ NOEL E CHOCOLATADA

PARA REMATAR O TRIMESTRE VISITOUNOS PAPÁ NOEL...

E TOMAMOS TAMÉN UNHA CHOCOLATADA, ESTABA RIQUÍIISIMA, TANTO QUE ATA REPETIMOS E TODO!

O NOSO PROXECTO DE TARXETAS DE NADAL

LEMBRADES QUE ESTABAMOS CUN PROXECTO SOBRE TARXETAS?
POIS MIRADE COMO SE FOI DESENVOLVENDO....


UNHA VEZ QUE APRENDEMOS ASPECTOS SOBRE AS TARXETAS, DESEÑAMOS AS TARXETAS QUE NOS GUSTARÍAN E O TEXTO QUE LEVARÍAN...
PEDÍMOSLLE AO ALUMNADO DE 4º QUE NOS AXUDASEN CO DESEÑO E A ESCRITURA, QUERIAMOS QUE NOS QUEDASEN PERFECTAS

E DESPOIS PEDÍMOSLLE AO CARTEIRO QUE VÉN AO NOSO COLEXIO QUE AS LEVASE AO CORREO... DE PASO FIXÉMOSLLE ALGUNHA PREGUNTIÑA...

ESTÁ A PIQUES DE REMATAR O OUTONO

O OUTONO ESTÁ A PIQUES DE REMATAR E DESPOIS VIRÁ O INVERNO...

O NOSO TRABALLO NOS RECANTOS NESTE PERÍODO

TRABALLAR NOS RECANTOS ENCÁNTANOS.
MIRADE QUE BEN NOS DESENVOLVEMOS!

ANIVERSARIOS DE DECEMBRO

EN DECEMBRO TAMÉN TEMOS NENAS E NENOS DE ANIVERSARIO.
 FELICIDADES A TODAS E A TODOS

O NOSO PROXECTO DE TARXETAS SEGUE

COS CONTOS E CO QUE SABEMOS DAS TARXETAS ESTAMOS A REALIZAR AS NOSAS COMPOSICIÓNS. DE MOMENTO ESTAMOS FACÉNDOO EN GRUPOS.

NUNS DÍAS... COA PLANIFICACIÓN DO DESEÑO E COA SELECCIÓN DA MENSAXE IMOS FACER TARXETAS INDIVIDUAIS. IMOS TER AXUDA!
VAN AXUDARNOS AS NENAS E OS NENOS DE 4º DE EP.
XA TEREDES FOTOS!.

PREMIOS DA FUNDACIÓN MENIÑOS AOS NOSOS TRABALLOS

NÓS PARTICIPAMOS, O MESMO QUE OUTRAS MOITAS CLASES DO COLE, NUN CONCURSO DA FUNDACIÓN MENIÑOS SOBRE O DEREITO Á SAÚDE. XA VOLO CONTARAMOS NUNHA ENTRADA ANTERIOR...

OS NOSOS TRABALLOS FORON ESTUPENDOS E DÉRONNOS UN DIPLOMA, PERO ADEMAIS UNHA COMPAÑEIRA DE 4 ANOS LEVOU UN PREMIO DIFERENTE E FOINO RECOLLER HOXE Á CASA DAS CAMPÁS. XUNTO A ELA TAMÉN FORON OUTROS DOUS NENOS, UN DE 1º E OUTRO DE 3º

MIRADE A LUCÍA RECIBINDO O PREMIO:

E AGORA ANDAMOS CUN PROXECTO DE TARXETAS DE NADAL

A PIQUES DE REMATAR O TRIMESTRE INDA NOS PUXEMOS CUN PROXECTO... AMPLIAMOS O PROXECTO DE TARXETAS DE NADAL CO QUE TRABALLARAMOS O CURSO PASADO.
AS NOSAS MASCOTAS COKO E GUNA REMITÍRONOS UNHA TARXETA... HOUBO CERTO ENREDO CON ELA...
SABEMOS MOITO SOBRE AS TARXETAS, MAIS DECIDIMOS INVESTIGAR COMO PODIAMOS UNIR TARXETAS DE NADAL E CONTOS...  TAMÉN INVESTIGAMOS QUE FRASES SE POÑEN NAS TARXETAS,...

XA VEREDES QUE TARXETAS!
XA VEREDES QUE MENSAXES!

PINCHOS DE FROITAS EN CINCO ANOS

AS NOSAS COMPAÑEIRAS E OS NOSOS COMPAÑEIROS DE 5 ANOS FIXERON PINCHOS DE FROITA E... NÓS APROVEITAMOS A OCASIÓN! QUE RICOS ESTABAN!

ANIVERSARIOS DE NOVEMBRO

NESTE MES TAMÉN HAI ALUMNADO DE ANIVERSARIO. FELICIDADES!

CONTRA O MALTRATO DE XÉNERO

ESTIVEMOS TRABALLANDO NA CLASE "CONTRA O MALTRATO".
CON FOLIO XIRATORIO E EN GRUPOS COOPERATIVOS ESTIVEMOS VENDO QUE ENTENDIAMOS POR MALTRATO. PUXEMOS EN COMÚN TODO.
VIMOS UNHA PRESENTACIÓN QUE NOS CONTOU ALGO MÁIS SOBRE O MALTRATO.
FALAMOS DOS DIFERENTES TIPOS DE BICOS E NUNHA MALETA PUXEMOS OS BICOS QUE NOS GUSTAN E OS QUE NON.
LEMOS UN LIBRO QUE FALA DE BICOS: "NIN UN BIQUIÑO Á FORZA" E DESPOIS MANDAMOS BICOS DE PAPEL AOS NENOS E ÁS NENAS DA CLASE.
MIRÁDENOS NAS FOTOS.

23 DE NOVEMBRO: DÍA DA PALABRA

HAI PALABRAS GRANDES, PEQUENIÑAS,...
HAI PALABRAS DE CONTO, HAI PALABRAS PARA XOGAR, HAI PALABRAS PARA LER E ESCRIBIR,...
 HAI PALABRAS PARA FACER SOPAS
NON O CREDES? POIS MIRADE COMO FACEMOS EN GRUPOS COOPERATIVOS SOPAS DE PALABRAS EN POTAS DE CORES!

E MAÍS XOGOS CON PAPÁS E MAMÁS PARA REMATAR A CAMPAÑA "ENSÍNANOS A XOGAR"

NESTA SEMANA TAMÉN TIVEMOS VISITAS DE PAPÁS E MAMÁS QUE NOS ENSINARON XOGOS.
DESPOIS QUÉDANOS RECOLLER ESTES XOGOS EN FICHAS PARA FACER UN LIBRO ENTRE TODO O COLE.
AQUÍ VEMOS A MAMÁ E O PAPÁ DE SABELA:
E AQUÍ O PAPÁ DE LUCÍA 4 anos A:

XOGOS E CANCIÓNS COA MAMÁ DE LUCÍA E A AVOA

HOXE TIVEMOS UNHA SESIÓN MOI INTERESANTE E DIVERTIDA.
CANTAMOS CANCIÓNS COA AVOA DE LUCÍA: O XOGO DO CHIRIMBOLO, O CHUPACHUPS,...
XOGAMOS Á CAIXIÑA MÁXICA, Ó GATO E AO RATO COA PELOTA E AO PANO COA MAMÁ DE LUCÍA.
MIRADE QUE FOTOS!

E HOXE HOUBO MAGOSTO

DESPOIS DE TRABALLAR ARREO SOBRE O OUTONO, SOBRE OS FROITOS DO OUTONO, SOBRE OS XOGOS POPULARES E O OUTONO, SOBRE A ARTE OUTONAL, SOBRE AS FESTAS DO MAGOSTO...
POR FIN! MAGOOOOSTO!:
- COMEMOS CASTAÑAS ASADAS.
- XOGAMOS CUNHA CHEA DE XOGOS...
- DEBUXAMOS A FESTA.
MENOS MAL QUE NA FIN DE SEMANA IMOS PODER DESCANSAR!

CONTOS, COMIDAS E ESTAR SANS

DENDE COMEZO DE CURSO TRABALLAMOS NUN PROXECTO SOBRE CONTOS.
DECATÁMONOS QUE MOITOS CONTOS TEÑEN RELACIÓN COAS COMIDAS...
ASÍ QUE TRABALLAMOS SOBRE AS COMIDAS NOS CONTOS...
TAMÉN FALAMOS DAS COMIDAS, DAS QUE SON ADECUADAS E DAS QUE NON... DEBUXAMOS AS COMIDAS SAS QUE COÑECEMOS...
ADEMAIS TIVEMOS UNHA SESIÓN RELACIONADA COA COMIDA E SER SANS...

MÁIS XOGOS QUE NOS ENSINAN AS MAMÁS E OS PAPÁS

DESTA VEZ FOI A MAMÁ DE LUCÍA A QUE NOS ENSINOU XOGOS.
SEGUIMOS NA CAMPAÑA DE "ENSÍNANOS A XOGAR".
 VELAQUÍ ALGUNHAS FOTOS


PASÁMOLO XENIAL!

MÁIS DO OUTONO E MAGOSTO

ANTÍO VEU AO COLEXIO PARA TRAERNOS NOVAS DESTA ÉPOCA, TAL COMO VOS CONTAMOS ANTES...
ASÍ QUE SEGUIMOS TRABALLANDO AO REDOR DESTES ASPECTOS: CONTAMOS CONTOS, INVENTAMOS HISTORIAS, ESCRIBIMOS, DEBUXAMOS, RECOLLEMOS INFORMACIÓN,...

ADEMAIS UNHA ANDORIÑA VEU DESPEDIRSE E NÓS INVESTIGAMOS SOBRE ELA

NOVIDADES, NOVAS, NOTICIAS E AVANCES

TEMOS NOVA ALFOMBRA


VISÍTANNOS O ALUMNADO DE TRES ANOS PARA VER A NOSA MASCOTA

ADORNAMOS CABAZAS PARA O SAMAÍN

ABOTOAMOS PRENDAS DIFÍCILES

ANIVERSARIOS DE OUTUBRO

NESTE MES OS ANIVERSARIOS FORON...

FELICIDADES!

SEGUIMOS CO NOSO PROXECTO SOBRE OS CONTOS

- DEBUXAMOS PERSONAXES DE CONTO
 
 - TRABALLAMOS CO DOMINÓ DE CARAPUCHIÑA
 

XOGOS POPULARES: "ENSÍNANOS A XOGAR"

O LUNS A MAMÁ E A TÍA DE ANALÍA ESTIVERON ENSINÁNDONOS XOGOS.
APRENDEMOS XOGOS DE CORRO, "OVO PODRE" E "MARTÍN PESCADOR"..
QUE BEN O PASAMOS!.

24 DE OUTUBRO: DÍA DA BIBLIOTECA

NO DÍA DA BIBLIOTECA, LAMPI MANDOUNOS UNHA CARTA E CONVIDOUNAS A VISITALA.
AGASALLOUNOS CUNHA HISTORIA E CUN EXPERIMENTO.
O DO EXPERIMENTO FOI PORQUE NO COLEXIO ANDAMOS A TRABALLAR CON TEXTOS INSTRUTIVOS E ADEMAIS PORQUE ESTE ANOS O LEMA DA BIBLIOTECA ERA "LER CIENCIA"

NO OUTONO CHEGA ANTÍO COAS SÚAS PROPOSTAS

A VERDADE É QUE A OVELLA QUE NOS VISITA NA CLASE, CHEGA OPORTUNAMENTE... ESTAMOS EN OUTONO... ÁS OVELLAS MÉDRALLES A LÁ PARA ESTAR TAPADIÑAS NO INVERNO...
MOITOS ANIMAIS NO OUTONO TEÑEN PROTAGONISMO, O NOSO ESQUÍO ANTÍO RECOLLE CASTAÑAS PARA O INVERNO...
ANDAMOS A TRABALLAR COUSAS DO OUTONO E MAGOSTO PORQUE TEMOS QUE CONTINUAR UN CONTIÑO PARA ANTÍO (QUE COMEZARON AS NENAS E OS NENOS DE TRES ANOS), POIS NON QUERE ABURRIRSE DURANTE O INVERNO.
COMO VEDES... SEGUIMOS COS CONTOS...
ADEMAIS ESTE OUTONO VAINOS TRAER MOITOS XOGOS QUE IMOS APRENDER CON AXUDA DAS NOSAS FAMILIAS QUE SE PRESTARON A VIR AO COLE. XA VEREDES QUE ENCHENTE DE XOGOS IMOS FACER ESTE ANO POLO MAGOSTO!

UNHA OVELLA DE CONTO

DENDE HAI UNS DÍAS UNHA OVELLA APARECE NAS NOSAS CLASES...
MÉDRALLE A LA CADA DÍA MÁIS E NON SABEMOS ONDE VAI PARAR ISO.
O CASO É QUE ESA OVELLA NON ESTABA ENTRE OS CONTOS COS QUE ESTABAMOS A INVESTIGAR.... E A SÚA HISTORIA APARECE EN TARXETAS!
QUEN NOS MANDARÍA AS TARXETAS DESTA HISTORIA?

UN PROXECTO SOBRE CONTOS

DENDE COMEZO DE CURSO ESTAMOS SENTADAS E SENTADOS POR EQUIPOS. OS NOSOS EQUIPOS TEÑEN NOME DE CONTOS.
CONTOS COMO:

ESTAMOS A INVESTIGAR SOBRE OS CONTOS E AS COMIDAS RELACIONADAS CON ELES.
XA VOS POÑEREMOS COMO VAI O PROXECTO.

A COMEZOS DE OUTUBRO AS FAMILIAS VIÑERON COÑECER A NOVA CLASE

TIVEMOS A 1ª XUNTANZA COAS FAMILIAS.
COMENTAMOS MOITAS COUSAS SOBRE ESTE CURSO E REPASAMOS OUTRAS QUE XA SABIAMOS DO CURSO PASADO.
VELAQUÍ A PRESENTACIÓN QUE USAMOS:

Mari,susana 4 años reunión familias from xianadecide

NA CLASE DE CATRO ANOS NOVA

XA ESTAMOS NA CLASE. E COMEZAMOS DESENVOLVENDO O PLAN DE ACOLLIDA...
O PRIMEIRO QUE TIVEMOS QUE FACER FOI BUSCAR O NOSO SITIO NA MESA E FACEMOS O NOSO EQUIPO

E DESPOIS NON PARAMOS DE TRABALLAR. NESTES PRIMEIROS DÍAS...
CONTAMOS O QUE FIXEMOS NO VERÁN

CELEBRAMOS O PRIMEIRO ANIVERSARIO


XOGAMOS NOS RECANTOS DA NOVA CLASE


MERENDAMOS

FOMOS AO PATIO


FIXEMOS TRABALLO INDIVIDUAL, VIMOS QUE FACÍA O PITIÑO ESTE CURSO NO COLE

-

O PITIÑO TAMÉN VAI A CATRO ANOS

ESTAMOS TRABALLANDO CO "PITIÑO QUE QUERE IR Á ESCOLA".
AGORA IGUAL CA NÓS VAI EN CATRO ANOS, NA SÚA CLSE TEN DE TODO: CALENDARIO, CERAS, BIBLIOTECA,...

COMEZAMOS NA CLASE DE 4 ANOS

ESTE É O NOSO PRIMEIRO DÍA NA CLASE DE 4 ANOS.
ESTAMOS NOUTRO EDIFICIO E TEMOS AULAS NOVAS.
SON ESTUPENDAS!
MIRÁDENOS!

COKO E GUNA ESTÁN PREPARADAS PARA COMEZAR EN 4 ANOS

DENTRO DUNS DÍAS COMEZAREMOS AS CLASES.
 XA ESTAREMOS EN 4 ANOS E IMOS PARA O COLE DE MAIORES.
 TEMOS UNHAS CLASES MOI BONITAS.
AS MASCOTAS ESTÁN PREPARÁNDOSE PARA CONTARNOS TODO O QUE FIXERON NAS VACACIÓNS.
SEGURO QUE ESTIVERON EN SITIOS INTERESANTES E LERON MOITO.

IMOS VERNOS AXIÑA!!

BENVIDAS E BENVIDOS!

UNS PANAIS APARECEN NA AULA

UN DÍA Á CLASE CHEGARON UNS PANAIS DE ABELLA... ESTIVEMOS VENDO COMO ERAN, CANTAS CELAS TIÑA,... E INVESTIGAMOS UN CHISQUIÑO SOBRE AS ABELLAS E COMO SE METÍAN ALÍ DENTRO.
A NOSA CURIOSIDADE LEVOUNOS A FACER MILES DE PREGUNTAS

DESPEDÍMONOS DE 3 ANOS!

XA REMATAMOS TRES ANOS.
IMOS PASAR A CATRO ANOS! ESTAREMOS NO EDIFICIO DAS E DOS MAIORES...
DEICA PRONTO! DEICA O 11 DE SETEMBRO! FELIZ VERÁN!

FESTA FIN DE CURSO

UNHA FESTA PUXO PUNTO FINAL A ESTE CURSO, O NOSO PRIMEIRO CURSO NO COLEXIO.
 PASÁMOLO MOI BEN: TIVEMOS MERENDOLA, XOGOS, BAILE,...
MIRADE NO BLOG DE MASCOTILANDIA E TAMÉN ESTAS FOTOS
 

VISITAMOS A CLASE DE 4 ANOS

NESTA SEMANA FOMOS VISITAR AS CLASES DE CATRO ANOS.
O VINDEIRO CURSO IREMOS NÓS PARA ESAS CLASES E... É QUE XA MEDRAMOS!

FOI UNHA VISITA MOI INTERESANTE E GUSTOUNOS MOITO ISO DE IR PARA O EDIFICIO DO ALUMNADO MAIOR.

OS ANIVERSARIOS DE XUÑO E OS DAS VACACIÓNS

AQUÍ DESEXAMOS FELIZ ANIVERSARIO ÁS NENAS E OS NENOS QUE CUMPREN ANOS NAS VACACIÓNS DE VERÁN E ÁS NENAS E AOS NENOS QUE CUMPRIRON EN XUÑO.
 PARABÉNS!

E MÁIS OBRAS DE ARTE CON XEOMETRÍA

COMO XA SOMOS EXPERTAS E EXPERTOS ATREVÉMONOS COAS OBRAS DE GRANDES ARTISTAS.
MIRADE QUE PRECIOSIDADES!

E AQUÍ ESTÁN AS NOSAS OBRAS DE ARTE

CONTINUAMOS O PROXECTO SOBRE A XEOMETRÍA NA ARTE.
TRABALLANDO COAS FIGURAS XEOMÉTRICAS FIXEMOS:

•  COMPOSICIÓNS CON BLOQUES E NO ORDENADOR



• ESCULTURAS



• CADROS INDIVIDUAIS



• CADROS COLECTIVOS

- XOGAMOS COS BLOQUES

- IDENTIFICAMOS FORMAS, BUSCAMOS E DESCRIBIMOS

- RECOÑECER POLO TACTO

- COMPOSICIÓN NO PAPEL

- DEBUXAMOS FORMAS

- COMPOSICIÓN NO ORDENADOR

- MÁIS OBRAS CON FIGURAS XEOMÉTRICAS VARIADAS:

E TRABALLAMOS COA XEOMETRÍA E A ARTE

ESTAMOS FACENDO UNS CADROS ESTUPENDOS...
TAMÉN NO ORDENADOR!
TRABALLAMOS CON CÍRCULOS, RAIAS E PUNTOS...
SOBRE TODO CON CÍRCULOS, XA VEREDES QUE MARABILLAS DESEÑAMOS!
ESTAMOS A ELABORALAS DE XEITO INDIVIDUAL E EN GRUPOS.
TAMÉN NOS VAN AXUDAR DENDE A CASA...
MIRADE QUE BONITAS COUSAS SE PODEN FACER CON CÍRCULOS! HAI ARTISTAS QUE OS USAN:

O círculo na pintura from xianadecide

SOBRE ROSALÍA DE CASTRO

NO CENTRO TEMOS UNHA EXPOSICIÓN SOBRE ROSALÍA DE CASTRO. ESTE ANOS CÚMPRESE O 150 ANIVERSARIO DA PUBLICACIÓN DA SÚA OBRA "CANTARES GALLEGOS"
VISITAMOS A EXPOSICIÓN, APRENDEMOS ALGO DA SÚA BIOGRAFÍA E DESPOIS...
AS NENAS E NENOS DE 2º AXUDÁRONNOS A FACER UN LIBRIÑO SOBRE ROSALÍA.
QUEREDES VERNOS?

CANTAMOS OS SEUS POEMAS.

UN OVO ENORME!!

ESTA SEMANA, UNS NENOS DE 5º, VIÑERON AMOSARNOS UN OVO DE ÑANDÚ.
GRAZAS POR TRAERNOS ESE OVO TAN ESPECIAL
ERA ENORME!
APROVEITAMOS PARA AVERIGUAR COMO ERA UN ÑANDÚ, CANTAS PATAS TEN, COMO DORME,...
E DEBUXAMOS ÑANDÚS.

E FALANDO DE OVOS, TEMOS UN CONTO SOBRE OVOS, PERO ESTE MOITO MÁIS PEQUENIÑO, E NON DE ÑANDÚ!

UNHA ALFOMBRA NOVA

ESTES DÍAS ESTREAMOS UNHA ALFOMBRA.
TEN MOITAS CORES!
É ESTUPENDA.

OS ANIVERSARIOS DE MAIO

E AQUÍ DESEXAMOS FELICIDADES AO ALUMNADO QUE CUMPRIU ANOS NESTE MES

A PRIMAVERA RESÍSTESE...

INDA QUE A METEREOLOXÍA NON ACOMPAÑA Á ESTACIÓN...
NÓS TRABALLAMOS ALGÚNS ASPECTOS DELA.
ESTIVEMOS ELABORANDO PLASTICAMENTE COUSIÑAS... A VER NSE SE ANIMA A PRIMAVERA E TRAE POR FIN O TEMPO QUE LLE CORRESPONDE!

E PARTICIPAMOS NA CELEBRACIÓN DO DÍA DAS LETRAS GALEGAS

O DÍA 15 DE MAIO CELEBROUSE NO COLEXIO A FESTA DAS LETRAS:
- HOUBO POESÍAS
- HOUBO ACTUACIÓN DO CORO DO COLEXIO
E TAMÉN A ACTUACIÓN DE "MARÍA FUMAÇA"
QUE BEN O PASAMOS! CANTAMOS, BAILAMOS, AXUDAMOS A UXÍA A CANTAR... ESCOITAMOS COMO CANTABA LOLA CON UXÍA E TAMÉN CON EDUARDO...

E CHEGOU O DÍA DE RECITAR O NOSO POEMA NO XXI CERTAME

PREPARAMOS O RECITADO.
ENASIAMOS MOITO.
SAÍ MOS AO PATIO E...
QUE BEN RECITAMOS!!!
DESPOIS DÉRONNOS UN AGASALLO PARA A CLASE E UN DIPLOMA.

LETRAS GALEGAS E CERTAME DE POESÍA NO COLE

ESTAMOS COÑECENDO A ROBERTO VIDAL BOLAÑO, ESCRITOR HOMENAXEADO ESTE ANO O DÍA DAS LETRAS GALEGAS.
TAMÉN ESTAMOS A TRABALLAR COAS RIMAS PARA ELAB0RAR A NOSA POESÍA E CON ELA PARTICIPAR NO CERTAME. XA VOS CONTAREMOS.

NO PROXECTO CORPO TRABALLAMOS COA INFORMACIÓN

COMPOÑEMOS O CORPO COAS PARTES QUE COÑECEMOS.

COMPARAMOS O TAMAÑO REAL DO CORPO, E FACEMOS SILUETA PARA DESPOIS COMPLETAR

ESCOITAMOS O CORAZÓN CO FONENDO:

- RECOÑECEMOS PARTES DO CORPO

PINTAMOS AS NOSAS MANS

OS ANIVERSARIOS DE MARZO E ABRIL

NOS MESES DE MARZO E ABRIL TAMÉN HAI NENAS E NENOS QUE ESTÁN DE ANIVERSARIO
FELICIDADES!

CONTAMOS CONTOS NA SEMANA DO LIBRO

NA SEMANA DO LIBRO TODAS AS CLASES PREPARARON UN CONTO MÍNIMO OU UN ACUMULATIVO PARA CONTAR AO RESTO DO COLEXIO.
NÓS TAMÉN!
PRIMEIRO TRABALLAMOS CO CONTO, DEBUXÁMOLO, XOGAMOS COAS SÚAS PALABRAS,...

CONTAMOS UN CONTO EN GALEGO E OUTRO EN INGLÉS.
DESPOIS, TIÑAMOS QUE FACER UN FOLIO-LEMBRANZA CO CONTO E AXUDÁRONNOS AS NENAS E OS NENOS MAIORES.
IMOS POÑERVOS FOTOS DE TODO:
AQUÍ ESTAMOS CONTANDO OS CONTOS MÍNIMOS: "O CANCIÑO NRGRIÑO" E "A VACA MORIA"

E AQUÍ CONTANDO O CONTO EN INGLÉS

E AQUÍ AS E OS MAIORES AXUDÁNDONOS CO RECORDO DO CONTO:

E TAMÉN ASISTIMOS AOS CONTOS DO RESTO DO COLE.

E AQUÍ O QUE PENSABAMOS ANTES DE APRENDER O CONTO DO CANCIÑO:

MIRÁDENOS NO VÍDEO:

TRABALLAMOS CO LIBRO "COMO EL PERRO Y EL GATO"

LEVAMOS VARIOS DÍAS TRABALLANDO UN LIBRO MOI DIVERTIDO.
TITÚLASE "COMO EL PERRO Y EL GATO".
É UN LIBRO CUNHAS ILUSTRACIÓNS MOI BONITAS E FALA DE DÚAS MASCOTAS NON MOI BEN LEVADAS...
DESPOIS DE LELO TIVEMOS UNHA ANIMACIÓ. VELAQUÍ AS FOTOS:

TRABALLAMOS COA PRENSA

NA ÚLTIMA SEMANA DE ABRIL TAMÉN TRABALLAMOS COA PRENSA.
QUE SABIAMOS SOBRE A PRENSA? QUE PENSABAMOS NÓS?

MAMÁ E PAPÁ AXUDÁRONNOS BUSCANDO NO XORNAL LETRAS E FOTOS.
NA CLASE AS NENAS E OS NENOS DE 3º AXUDÁRONNOS COMPOÑENDO PALABRAS E FACENDO PÉS DE FOTOS.
FORON ESTUPENDOS E AXUDÁRONNOS MOITO. GRAZAS!!

CAMBIOS NA CLASE

ALGUNHAS VECES HAI CAMBIOS NA CLASE:
- APARECEN NOVOS XOGOS
- TEMOS CARTEIS DIFERENTES
- A MASCOTA MÁNDANOS UNHA CARTA
- CAMBIAMOS DE MESA.
...
UN DÍA CAMBIAMOS DE MESA E TIVEMOS QUE BUSCAR A NOSA MIRANDO OS NOMES:

UNHA EXPOSICIÓN SOBRE ROSALÍA

FOMOS VER UNHA EXPOSICIÓN SOBRE ROSALÍA.
APRENDEMOS UN POEMA DE ROSALÍA CANTADO: "ADEUS RÍOS, ADEUS FONTES..."
OS MAIORES AXUDARANNOS PARA FACER UN CADERNO SOBRE ROSALÍA... NÓS IMOS DICIRLLE O QUE QUEREMOS ESCRIBIR E VAN AXUDARNOS A ESCRIBILO SEN QUE ESQUEZAMOS NINGUNHA LETRA...

TRABALLAMOS SOBRE O CORPO

ESTAMOS TRABALLANDO UN PROXECTO SOBRE O CORPO HUMANO.
MIRADE COMO O DEBUXAMOS:


E COMO FACEMOS CON PITURA A DEDO


E COMO POÑEMOS EXPRESIÓNS

E XA VEREDES MÁIS...
QUE SABEMOS DO CORPO

UN NOVO PROXECTO

IMOS COMEZAR UN NOVO PROXECTO...
ESTA CANCIÓN VAIVOS AXUDAR A SABER DE QUE VAI:
E ESTOUTRA SERVE PARA CANTAR E DEBUXAR...

OS NOSOS AVANCES EN AUTONOMÍA NO 2º TRIMESTRE

FACEMOS MOI BEN AS MERENDAS:

E XOGAMOS XENIAL NOS RECANTOS

CHEGOU A PRIMAVERA

HOXE, NAS NOSAS PORTAS APARECERON UNHAS FLORES.
ESTABAN FEITAS CON GLOBOFLEXIA.
ERAN FERMOSAS!
SABEDES POR QUE NOLAS REGALARON?
POIS... PORQUE HOXE CHEGOU A PRIMAVERA!

IMOS IR UNS DÍAS DE VACACIÓNS E DESPOIS XA VEREDES QUE CANTIDADE DE COUSAS NOVAS IMOS APRENDER!.
MENTRES PODEREMOS XOGAR CO NOVO XOGO DE FLORES QUE TEMOS NO ENLACE DA DEREITA.
DEIXÁMOSVOS AS NOSAS OBRAS DE ARTE PRIMAVERAL

TRABALLANDO CON CARAPUCHIÑA

NESTES ÚLTIMOS DÍAS VIMOS TRABALLANDO CON CARAPUCHIÑA:

• LEMOS O CONTO
• CAMBIAMOS ASPECTOS DEL
• FIXEMOS MATEMÁTICAS CON CARAPUCHIÑA, A AVOA, O LOBO,...
• ESCRIBIMOS PALABRAS DO CONTO
• DRAMATIZAMOS

 

• FIXEMOS MATEMÁTICAS CO CONTO

VISITAMOS UNHA EXPOSICIÓN DE 5º

O ALUMNADO DE 5º FIXO UNHA EXPOSICIÓN SOBRE FERRAMENTAS E ÚTILES DA PREHISTORIA E NÓS FOMOS VELA.

O NOME DA MÁQUINA

A MÁQUINA QUE APARECERA NO CENTRO NON TIÑA NOME...
ASÍ QUE NÓS DECIDIMOS POÑERLLE ALGÚN.
 ELABORAMOS UNHA ENORME LISTAXE DE POSIBILIDADES! SABEDES COMO?
POIS EMPRESTÁMOSLLES AS LETRAS DOS NOSOS NOMES...
MIRADE DE CANTAS MANEIRAS SE PODE CHAMAR A MÁQUINA RARA DO CORREDOR!
PARA CHEGAR AÍ FIXEMOS MOITO TRABALLO

TAMÉN HAI ANIVERSARIOS EN FEBREIRO

NESTE MES CUMPREN ANOS...

UNHA MÁQUINA APARECE NO COLE

HOXE, AO CHEGAR POLA MAÑÁ ATOPÁMOS UNHA MÁQUINA NO COLEXIO
É UNHA MÁQUINA MOI RARA... NON TEN NOME, ASÍ QUE IMOS TENTAR POÑERLLE NOME. AXUDÁDESNOS?

MIRÁDENOS OBSERVANDO A MÁQUINA PARA AVERIGUAR DE QUE VAI

E PENSAMOS SOBRE A MÁQUINA...

Ideas previas las máquinas from xianadecide

MÁIS DO ENTROIDO

DEBUXAMOS XA MOI, MOI BEN. AQUÍ TENDES COMO VIMOS NÓS OS DISFRACES DO ENTROIDO.

CELEBRAMOS O NOSO PRIMEIRO ENTROIDO NO COLEXIO

O VENRES, 8 DE FEBREIRO VIVIMOS A NOSA PRIMEIRA EXPERIENCIA DO ENTROIDO NO COLEXIO.
O GALO VILAVERDIÑO VIU COMO DESFILABAMOS CO NOSO DISFRACE DE TELES, DESFILAMOS AO SON DUNHA MUSIQUIÑA MOI DIVERTIDA, DESPOIS VIMOS TODOS OS OUTROS DISFRACES E ASISTIMOS Á QUEIMA DO GALO

AÍ VÉN O ENTROIDO

ESTÁ CHEGANDO O ENTROIDO E HAI NO COLEXIO MOITAS COUSAS DIFERENTES:
- DISFRACES DE MÁQUINAS : DE TELES, DE ORDENADORES, DE CÁMARAS FOTOGRÁFICAS, DE TESOIRAS, DE...
- UN GALO AO QUE LLE TEMOS QUE POÑER PLUMAS, O SEU NOME É VILAVERDIÑO
 - MÁSCARAS E POEMAS DE ENTROIDO
NÓS ESTAMOS TRABALLANDO MOITO PARA POÑER NO NOSO DISFRACE UNS DEBUXOS... XA TEMOS AS ANTENAS,...
PUF! CANTO TRABALLO!

SEGUIMOS CO PROXECTO SOBRE AS MÁQUINAS

EMPEZARAMOS O PROXECTO VENDO AS NOSAS IDEAS PREVIAS SOBRE AS MÁQUINAS

DESPOIS TROUXEMOS MOITA INFORMACIÓN SOBRE AS MÁQUINAS DA CASA, ONDE ESTÁN, PARA QUE SERVEN, PARA QUE SE USAN,...
ELIXIMOS UNHA MÁQUINA PARA O NOSO DISFRACE...
QUEDA QUE O ELABOREMOS.
POÑEMOS TODA A INFORMACIÓN SOBRE AS MÁQUINAS NUN MURAL, ESTANOS QUEDANDO XENIAL E TEN FORMA DE CASA.

TRABALLAMOS POLA PAZ

TRABALLAMOS SOBRE A PAZ, PARTIMOS DAS NOSAS IDEAS PREVIAS SOBRE QUE É A PAZ

AVERIGUAMOS QUE A PAZ TAMÉN É TRATARSE BEN E DICIRNOS PALABRAS BONITAS E MANDARNOS MENSAXES ADECUADAS.
1º TROUXEMOS PALABRAS BONITAS, CUALIDADES PARA AS PERSOAS, PALABRAS QUE NOS GUSTARÍA QUE NOS DIXESEN
2º COLOCÁMOLAS ORGANIZADAS NUNHA TÁBOA E COLOCAMOS OUTRAS NOVAS QUE FOMOS APRENDENDO

3º DECIDIMOS A QUEN LLE MANDABAMOS A MENSAXE

4º ESCRIBIMOS A MENSAXE

E PEGÁMOLA NO CORAZÓN

5º IMOS AO PATIO PARA CELEBRAR O DÍA DA PAZ COAS NOSAS PALABRAS

COMEZAMOS A LEVAR LIBROS DA NOSA BIBLIOTECA DE AULA

1-ESCOLLEMOS CONTO, REXISTRÁMOLO E METÉMOLO NA CARPETA PARA LEVAR A NOSA CASA

2-ENSINAMOS O CONTO QUE LEVAMOS A CASA E DICIMOS SE NOS GUSTOU

ANIVERSARIOS DE DECEMBRO E XANEIRO

NESTES DOUS ÚLTIMOS MESES ALGUNHAS NENAS E ALGÚNS NENOS CUMPRIRON ANOS.
HAI QUEN CUMPRIU TRES, PERO... HAI QUEN XA CUMPRIU CATRO.
FELICIDADES!

ESTAMOS NO INVERNO

COMO ESTAMOS NO INVERNO OS NOSOS DEBUXOS TEÑEN RELACIÓN CON EL.
 MIRADE QUE FERMOSOS SON!

SEGUIMOS PRACTICANDO PARA TER AUTONOMÍA

VESTIRNOS, ABOTOARNOS, CALZARNOS, COMER SEN AXUDA E DE TODO, BUSCAR OS NOSOS MATERIAIS E GARDALOS,... VAN SENDO AUTONOMÍAS QUE CONSEGUIMOS PASENIÑAMENTE.
ÁS VECES TEMOS QUE COLABORAR E AXUDAR

XOGAMOS CO NOSO NOME

XOGAMOS COAS LETRAS E CO NÚMERO DE LETRAS DO NOSO NOME.
RAZOAMOS E REFLEXIONAMOS SOBRE AS LETRAS QUE LEVAN OS NOSOS NOMES, CANTAS LEVAN, POR CALES COMEZAN, POR CALES REMATAN, NOMES LONGOS E CURTOS, PALABRAS QUE LEVAN LETRAS COMO O NOSO NOME,...

E FALANDO DE MÁQUINAS...

NO COLEXIO ACABAMOS DE INVENTAR UNHA MÁQUINA AMABLE.
ESA MÁQUINA NON FUNCIONA CON PILAS, NIN CON GASOLINA, ESA MÁQUINA FUNCIONA CON CUALIDADES.
ASÍ QUE ESTAMOS INVESTIGANDO SOBRE CUALIDADES POSITIVAS DAS PERSOAS... AXUDÁDESNOS?
DESPOIS IMOS POÑELAS NUN ABECEDARIO E FACER MENSAXES DE PAZ. VEREDES QUE BEN O FACEMOS!

EN INFORMÁTICA XA TEMOS MÁIS AUTONOMÍA

AGORA QUE XA LEVAMOS TODO UN TRIMESTRE NO COLEXIO XA HAI MOITAS COUSAS NAS QUE SOMOS EXPERTAS E EXPERTOS, UNHA DELAS E CO MANEXO DOS ORDENADORES.
CLICAMOS XENIAL USANDO O RATO!
MIRADE COMO TRABALLAMOS!

E NA CLASE XA LLE DAMOS MOITOS USOS AO ORDENADOR E Á PANTALLA, UNHAS DAS COUSAS QUE MÁIS NOS GUSTA É BUSCAR INFORMACIÓN E VER PELÍCULAS

CANTA MÁQUINA!

NO COLEXIO TODO O ALUMNADO ESTÁ TRABALLANDO SOBRE AS MÁQUINAS.
GUSTARÍANOS SER INVENTORAS E INVENTORES, TERIAMOS FEITO UNHA CHEA DE MÁQUINAS FANTÁSTICAS E CON USOS VARIOS.
SABEMOS TAMÉN QUE HAI MOITAS MÁQUINAS AO NOSO REDOR E ESTAMOS INVESTIGANDO SOBRE AS MÁQUINAS QUE TEMOS NA CASA:

OS NOSOS DEBUXOS

APROVEITANDO QUE XA ESTAMOS NUNHA NOVA ESTACIÓN, PUXÉMONOS A DEBUXAR O INVERNO.

CANTA AUTONOMÍA!: OS RECANTOS

DESPOIS DAS VACACIÓNS XA SE NOTA QUE MEDRAMOS E MADURAMOS.
XA TEMOS AS RUTINAS DA CLASE E XA SOMOS QUEN DE TRABALLAR ESTUPENDAMENTE NOS RECANTOS.

UN AGASALLO DOS REIS MAGOS

OS REIS AGASÁLLANVOS CON ESTES VÍDEOS PARA QUE VOS DIVERTADES UN CHISQUIÑO.